၁၂နာရီကြာ Lemon Tea ၏ အစွမ်း

ရေးသားသူ - XyBo

August 05,
2008

စုံတွဲ တစ်တွဲ ကော်ဖီဆိုင်ထဲမှာ ငြင်းခုန်မှုတစ်ခု ဖြစ်ကြတယ်။ နောက်ဆုံးတော့ ကောင်လေးက ဒေါသတကြီးနဲ့ အပြင်ကို ထွက်သွားတယ်။ ကောင်မလေးကတော့ မျက်ရည်လေး တစမ်းစမ်းနဲ့ တစ်ယောက်တည်း ကော်ဖီဆိုင်မှာ ကျန်ခဲ့တယ်။ ၀မ်းနည်းမှုတွေရော ဒေါသဖြစ်တာတွေရောနဲ့ စိတ်ရှုပ်နေတဲ့ ကောင်မလေးက သူ့ရှေ့မှာ ချထားတဲ့ လီမွန်တီးဖန်ခွက်ကို ဆွဲယူလိုက်ပြီး သူ့စိတ်ထဲမှာ ခံစားနေရတာတွေအားလုံးကို လီမွန်တီးဖန်ခွက်ထဲက သံပုရာခြမ်းလေးအပေါ်မှာ ပေါက်ခွဲပစ်လိုက်တယ်။ သံပုရာခြမ်းလေးကို အခွံနဲ့ အသား တစ်စစီ ဖြစ်အောင် ဇွန်းကလေးနဲ့ ထိုးခြေနေတော့တာပါဘဲ။ အဲဒီလိုလည်း ထိုးခြေရော သံပုရာ အခွံက အခါးတွေကထွက်ကုန်ရော။ အဲဒီတော့ ကောင်မလေးက စားပွဲထိုးကို လှမ်းခေါ်လိုက်ပြီး အခွံမရှိတဲ့ သံပုရာခြမ်းပါတဲ့ လီမွန်တီးတစ်ခွက်နဲ့ လဲပေးဘို့ ပြောလိုက်တယ်။ စားပွဲထိုးလေးကလည်း ဘာမှ မပြောဘဲ လီမွန်တီးတစ်ခွက်နဲ့ လဲပေးလိုက်တယ်။ ဒါပေမယ့် သံပုရာခြမ်းကတော့ စောစောကလိုဘဲ အခွံလေးနဲ့ပါဘဲ။ ဒါကိုမြင်တော့ ကောင်မလေးက တော်တော် ဒေါသထွက်သွားပြီး ကျွန်မက သံပုရာခြမ်းကို အခွံမပါစေပါနဲ့လို့ ပြောလိုက်တယ်လေ ဆိုပြီး စားပွဲထိုးကို အော်လိုက်တယ်။ ဒီတော့ စားပွဲထိုးလေးက

"အစ်မ...စိတ်မလောပါနဲ့... သံပုရာခွံကို ရေထဲမှာ ကောင်းကောင်း စိတ်ရှည်ရှည်နဲ့ စိမ်ထားမယ်ဆိုရင် သံပုရာခွံမှာ ရှိတဲ့ အခါးတွေ အားလုံးပျောက်ပြီး အရမ်းကို လန်းဆန်းစေတဲ့ အရသာကို ဖြစ်စေပါတယ်... ဒါကြောင့်မို့ စိတ်မြန်လက်မြန်နဲ့ သံပုရာသီးခွံကို ခွာမပစ်ပါနဲ့ အစ်မရယ်..."

ကောင်မလေးလည်း တော်တော်လေး ကြာအောင် ကြောင်နေပြီးမှ စားပွဲထိုးလေးရဲ့ စကားအနက်ကို ရင်ထဲက ခံစားလိုက်ရပါတယ်။ ပြီးတော့ စားပွဲထိုးလေးကို ထပ်မေးလိုက်တယ်။

"ဒါဆို အကောင်းဆုံး လီမွန်တီးတစ်ခွက်ကို သောက်ဖို့ ဘယ်လောက်ကြာအောင် စောင့်ရမလဲ..."

"၁၂နာရီပါ။ ၁၂နာရီ ကြာရင်တော့ သံပုရာသီးဟာ သူ့မှာရှိတဲ့ ရနံ့အားလုံးကို ထုတ်ပြီး အကောင်းဆုံး အရသာ တစ်ခုကို ထုတ်ပေးပါလိမ့်မယ်... ဒါကို သောက်ချင်ရင်တော့ အစ်မက ၁၂နာရီ ရင်းနှီးဖို့တော့ လိုတာပေါ့လေ..."

စားပွဲထိုးလေးက စကားကို ခဏ ရပ်လိုက်ပြီး ဆက်ပြောလိုက်တယ်။

"ဒီလီမွန်တီး တခုတည်းတင် မဟုတ်ပါဘူး...ဘယ်အလုပ်ဘဲ ဖြစ်ဖြစ် ၁၂နာရီကြာအောင် စိတ်ရှည်လက်ရှည်နဲ့ စောင့်စားနိုင်မယ်ဆိုရင်တော့ အရာရာဟာ ထင်ထားသလောက် မဆိုးဘူးဆိုတာကို သိလာနိုင်မှာပါ...."

ဒီလို ပြောပြီး စားပွဲထိုးလေးက ခေါင်းညွှတ် နှုတ်ဆက်ပြီး ထွက်သွားခဲ့ပါတယ်။
လီမွန်တီးလေးအကြောင်းကို တစ်ယောက်တည်း တိတ်ဆိတ်စွာ စဉ်းစားရင်းနဲ့ ကောင်မလေး အိမ်ကို ပြန်ခဲ့ပါတယ်။ အိမ်ကို ပြန်ရောက်တာနဲ့ ကိုယ်တိုင် လီမွန်တီးလေး ဖျော်လိုက်တယ်။ ၁၂နာရီကြာလို့ သောက်ကြည့်လိုက်တဲ့ အခါမှာတော့ သူမ တစ်သက်တာမှာ တစ်ခါမှ မသောက်ဘူးတဲ့ အရသာမျိုးကို သူမခံစားလိုက်ရတယ်။ သူမ အရမ်းကျေနပ်နေမိပါတယ်။ ဒီအချိန်မှာ အိမ်ရှေ့ကနေ ဘဲလ် တီးသံကို ကြားလိုက်ရပါတယ်။ တံခါးဖွင့် ကြည့်လိုက်တော့ သူမရဲ့ ချစ်သူက ပန်းစည်းလေးကိုင်ပြီး ရပ်နေတာကို တွေ့လိုက်ရတယ်။ သူမ ပြုံးလိုက်တယ်။ ပြီးတော့ သူမချစ်သူကို လီမွန်တီးလေးနဲ့ ဧည့်ခံလိုက်တယ်။ ပြီးတော့ သူမက ပြောလိုက်ပါတယ်။

"တို့နှစ်ယောက် ကတိတစ်ခုပြုရအောင်.... နောင်ကို တို့တွေ ဘယ်လို ပြဿနာနဲ့ဘဲ တွေ့တွေ့ အချင်းချင်း ဒေါသထွက် စိတ်တိုမယ့် အစား ဒီ လီမွန်တီးလေးကို သတိပြုကြရအောင်...."

"ဒီ လီမွန်တီးလေးကို..ဟုတ်လား..."

"အင်း...ဟုတ်တယ် ဒီလီမွန်တီးလေးကို စိတ်ရှည်လက်ရှည်နဲ့ ၁၂နာရီလောက်ကြာအောင် စောင့်နိုင်တာမျိုးပေါ့..."

လီမွန်တီးလေးကတော့ သူမရဲ့ ဘ၀ကို ပြောင်းလဲပေးခဲ့ပါပြီ။ သူမ အမြဲ စားပွဲထိုးလေးပြောတဲ့ စကားကို ကြားယောင်နေဆဲပါ။

"အကယ်၍.......အစ်မက ၃မိနစ်အတွင်း သံပုရာသီးရဲ့ အရသာကို ညှစ်ထုတ်ပစ်ဘို့ အတင်းကြိုးစားနေမယ်ဆိုရင်တော့ လီမွန်တီဟာ ပိုခါးပြီ ဖန်ခွက်မှာလည်း အစင်းကြောင်းတွေသာ ကျန်နေခဲ့တော့မှာပါ...."

အားလုံးစိတ်ရှည် သည်းခံနိုင်ဘို့ ကျွန်မဖတ်နေသော စာအုပ်လေးထဲမှ ကောက်နုတ် ဖော်ပြပေးလိုက်ပါတယ်။

This entry was posted on Tuesday, August 05, 2008 and is filed under ဝတ္ထုတို . You can leave a response and follow any responses to this entry through the Subscribe to: Post Comments (Atom) .